Jamshid Sirojiddinov bilan batafsil intervyu!

Bizning sahifamizda Jamshid Sirojiddinov bilan batafsil intervyu. Yo'llanma bo'yicha kuzatib boring.

Bolaligingizda kim bo’lishni orzu qilgan edingiz?

Ochig'ini aytsam 12 yoshimgacha men shifokor bo'lishni istaganman, so'ng mening fikirim o'zgargach men san'at soxasidan ketishga qaror qilganman.

Qanday qilib teleboshlovchi bo’ldingiz?

"Zo'rTv" telekanalida boshlovchilar uchun kasting o'tkazilgan, afsus meni bu kastingdan habarim yo'q edi. U kasting tugashidan so'ng men "Zo'rTv" telekanaliga loyiha uchun bir necha g'oyalar taklifi bilan kelganman, ana shu g'oyalarimdan biri bosh muharrirga yoqgan va oradan biroz vaqt ótgach meni boshlovchilik hususiyatlarimni ham tekshirib ko'rishgan. G'oyam va boshlovchilik hususiyatlarim kanaldagilarga yoqganidan so'ng meni bu yerga ishga olishgan.

Ishingizning yaxshi va yomon taraflarini sanab bering.

Ishimning yomon taraflari deyarli yo'q. Faqatgina meni kuni bo'yi bant bo'lganim uchun o'zimga juda kam vaqt ajratishimni hispbga olmaganda. Yaxshi taraflari esa sanoqsiz. Men hayotimda tanlagan yo'nalishim, mutahasisligim bo'yicha o'zim uchun yuqori darajada yaxshi ish topganman deb hisoblayman.

Yaqin 10 yilga qanday rejalaringiz bor?

Yaqin 10 yilda men hali rejalarimni aniqlamaganman lekin umid qilamanki men yaqin 10 yillarda "Zo'rTv" telekanalida o'z tajribamni oshirib boraman. Va albatta, uylanib bola-chaqali bo'lishimning ham ehtimoli bor.

Sizga eng ko’p beriladigan savolni ayting va unga javob bering?

Menga eng ko'p beriladigan sovol bu "Ko'zizga linza taqganmisiz" degan savol. Va mening javobim "Yo'q mening ko'zim tabiiy och ko'k rang"

Havas qiladigan odamingiz kim (кумир)?

Bred Pitt.

Ko’rsatuvni tasvirga olish jarayoni siz uchun odatiy holmi yoki hayajonli holatmi?

Albata ilk tasvirga olish jarayonlari men uchun juda hayajonli bo'lgan, lekin bora bora men bu hayajonni yengidim va endilikda tasvirga olish jarayonlarida men o'zimni yengil his qilaman.

Hammadan Zo’r nimani qila olasiz?

Men hammadan Zo'r "Rolton" pishira olaman.)))

Hayotdagi shioringiz?

Chin dildan mehnat qilib chin yurakdan niyat qilsa hamma narsaga erishsa bo'ladi.

Siz uchun eng yaxshi sovg'a nima bo'lishi mumkin?

Men uchun eng yaxshi sov'g'a "Avtomobil" bo'lishi munkun, va undan tashqari haydovchilik guvohnomasi ham bo'lasa yo'q demas edim.)))

Sizni ranjitadigan eng yomon narsa nima?

Yolg'on, balandparvozlik va ba'zi bir insonlardagi soxtalik.

Sizning garderobingizdagi eng sevimli narsangiz?

Yashil futbolkam, juda eski futbolkam.

Siz musiqada afzal ko’rgan yo’nalishingiz?

Pop musiqa va klassika.

Yaqin orada ko’rgan filmlarizdan qay biri Sizda taassurot qoldirdi?

Men yaqinda "O'rgimchak odam: yohud uyga qaytish" filmini tomosha qildim va bu film menga juda yoqdi.

Xaritadagi qay bir joy Sizning hayratlantirdi?

Italiya. Chunki italiya haritada etikka o'xshaydi (ishonmasangiz qarab ko'ring).

Kinofilmda (yana) sur’atga tushishni istaysizmi?

Men kinofilmda yo'ki qandaydur spektaklda bosh ro'lni ijro etib qandaydir obraz yaratkim keladi.

Tasvirga olish maydonida yuz bergan eng kulguli voqeani eslay olasizmi?

"Naxori nashta Texno" ko'rsatuvining jarayonida men ko'pincha o'zimdan o'zim kulaveraman, bunga nima sabab bo'lishi mumkinligini umuman hayolimga ham keltirmaganman, shu kulganimni eslasam yana kulgim kelaveradi.

ZO'R TV telekanali Siz uchun qanday ahamiyatga ega?

Tepada aytib o'tkanimdey men o'zim uchun "Zo'rTv" telekanalidan yaxshiroq ish joyini tasavvur ham qila olmayman.

Telekanalimizning qay bir boshlovchisi bilan tajriba almashgan bo’lardingiz?

Men "Stand Up" ko'rsatuvining boshlovchilari bilan tajriba almashgan bo'lar edim. Agar imkon bo'lsa hozirning o'zida almashar edim.

Tomoshabinlarimizga tilaklaringiz?

Tomoshabinlarga tinchlik, hotirjamlik, chiroyli chiroyli to'ylar qilishni, sog' salomat bo'lishni va hardoyim yaxshi kayfiyatda bo'lishni istayman.